paano ba manuyo...?

huwag ka nang mainis, huwag ka nang magalit.
ihadya mo ako sa iyong pagsusungit.
pero kung iyon ang tanging hinihiling na kapalit,
sige, payag ako, magbuhos ka ng hinanakit.

huwag ka nang magtampo, huwag ka nang magdamdamn.
kung meron man akong nagawa, hindi ko talaga alam.
batid kong alam mo ang ugali kong ito, hayskul pa lang.
minsan manhid, makapal ang balat, tila walang pakiramdam.

nakikiusap lang ako, hindi sa namimilit.
paraan ko ito ng pagsuyo, hindi ng pangungulit.
pagiging magkaibigan nati'y hindi pa natin nasusulit.
kung pinal na ang iyong desisyon, ipaliwanag sana kung bakit.

pero kilala rin kita, at alam kong 'di ka nagbabago.
ang tancha ko'y lalayo ka lang at magsasawalang kibo.
iiwas, "no eye contact", titingin sa malayo.
dedma lang, parang wala, taimtim man ang aking pagsusumamo.

oo kaibigan mo lang ako, pero marami pa tayong pangarap.
buhay nati'y kay ikli, wag natin lustayin sa saklap.
marami ka mang kakulangan, buo pa rin kitang tinanggap.
alam ko nami-miss mo din ako, 'wag ka nang magpanggap.

pinagsamahan nati'y ehemplo ng kabalintunaan.
dating mortal na magkaaway, naging matalik na magkaibigan.
hayaan itong masayang, sana'y huwag naman.
pahintulutan akong mapunan ang anumang pagkukulang.

kung paano ko ipararating sa'yo ang aking nararamdaman,
sana'y may makapagsabi, pagka't ito lang ang alam na paraan.
nasa kabilang sulok man ako ng mundo, ako'y nandito lang.
handa't naka-abang, sa sandaling ika'y mangangailangan.

tulad mo hiling ko rin na sana'y maulit,
mga panahon noong kabataan natin na tayo'y magkalapit.
malabo mang mangyari, pagka't pati atensyon mo'y pinagkakait.
aasa pa rin gaya ng lupa, sa tinitingala niyang langit.